Një 49-vjeçar shqiptar ka humbur jetën pasditen e së mërkurës në ishullin grek të Mikonos.
Mediat lokale raportojnë se ngjarja ka ndodhur teksa shqiptari fatkeq po kryente lyerje me bojë vaji në një shtëpi dhe ka rënë nga një lartësi prej dy metrash.
Shqiptari mori plagë të rënda dhe nuk arriti të mbijetojë edhe pse u dërgua me urgjencë në qendrën shëndetësore të Mykonos.
Hetimet paraprake për ngjarjen u kryen nga nëndrejtoria e policisë së Mikonos dhe pritet që të zbardhen shkaqet e sakta të vdekjes së 49-vjeçarit.
Njëkohësisht do të hetohet nëse janë respektuar rregullat e legjislacionit të punës, si dhe nëse është respektuar ajo që parashikohet për kryerjen e sigurt të detyrave të tilla.
