Thellohet bilanci i viktimave nga përmbytja e anijes me emigrantë në brigjet italiane, ngjarje e ndodhur më 26 shkurt.
Pesë trupa të tjerë të pajetë u gjetën në zonën e mbytjes së anijes së emigrantëve në Steccato di Cutro (Crotone). Mediat vendase raportojnë se, bëhet fjalë për një vajzë rreth 3 vjeç, një djalë nga 7 deri në 8 vjeç dhe tre të rritur, dy burra dhe një grua, mosha e të cilëve ende nuk dihet. Trupi i fëmijës u identifikua në Praialonga.
Kështu numri i të miturve që humbën jetën nga mbytja e anijes shkon në 35 dhe për ata të grupmoshës 0-12 vjeç numri shkon në 26. Nga ana tjetër janë konfirmuar 86 viktima nga mbytja e anijes. Mjeku ligjor dhe ekspertët e policisë shkencore shkuan në vendin e ngjarjes për të konstatuar moshën e viktimave.
