Kryetari i PD, Sali Berisha, në një komunikim për mediat ka dhënë detaje lidhur me koalicionin opozitar, duke thënë se do të dalin në koalicion me PL, PBDNJ dhe PDK.
Berisha u shpreh pozitiv, duke thënë se koalicionin mund ta quajnë ndryshe edhe fitimtar. Ndër të tjera ai nuk i ka kursyer edhe kritikat ndaj kryeministrit Edi Rama duke thënë se është i tmerruar.
“Një emër me vetkuptim, ky është koalicioni i fitores. Por ky nuk do të jetë emri i tij, sepse fitoren e kanë në dorë zgjedhësit”, deklaroi Berisha për gazetarët në dalje të selisë blu, pas mbledhjes me grupin parlamentar.
– Cili do të jetë emri i koalcionit?
Berisha: Tani po diskutojmë për finalitetet e fundit. Në parti në koalicion do të jenë: PL, PBDNJ, PDK. Do të jenë në përputhje me ligjin. Aq sa lejon ligji. Ligji ka përcaktimet e veta, por ndërkohë koalicioni do të përfshijë të gjithë spektrin e djathtë si koalicion politik, përveçse ndonjë njeriu që do të ndjekë rrugën e vet. Do të jetë ky një koalicion për kandidimin e këshilltarëve së bashku, kurse koalicioni i gjerë fare do të jetë me shumë parti, i cili zotohet të mbështesë kandidatët.
– Si do të jetë ndarja për Këshill Kombëtar? Çfarë peshe do të ketë PD?
Berisha: Në këto raste janë duke u marrë të tjerë, por ka një ligj. Merret për bazë rekordi elektoral.
– Z. Berisha, ne dimë që grupimi juaj në mënyrë legjitime nuk njihet?
Berisha: Shkruaje fitimtarë! Shko e shih fytyrën sterrë të Edi Ramës!
