Tirana dhe Kastrioti, barazuan me rezultatin 2-2, në ndeshjen e kthimit në çerekfinalen e Kupës së Shqipërisë.
Bardheblutë e nisën shumë mirë, teksa shënuan dy herë me Hasanin në minutën e 14-të dhe Najdovski në minutën e 24-t. Gjithçka u duk se u bë më e lehtë për
Tiranën në minutën e 43-të, kur Arapi u ndëshkua me karton të kuq për Kastriotin.
Krutanët nuk u dorëzuan dhe ia dolën të barazojnë shifrat. Autogoli i Isenit në minutën e 74-t dhe goli i Ajazit në minutën e 83-të, vulosën shifrat në 2-2.
Gjithsesi ky barazim nuk vlen për Kastriotin, pasi Tirana kualifikohet në gjysmëfinale, për shkak të fitores 4-1 në ndeshjen e parë.
