Ka humbur jetën i moshuari i cili u përplas nga një automjet ditën e djeshme në Kukës.
Informacioni u konfirmua këtë të Martë nga policia lokale, që njoftoi dhe arrestimin e drejtuesit të mjetit.
“Në vijim të informacioni paraprak të dhënë ditën e djeshme, sipas të cilit, rreth orës 09:30, në qytetin e Kukësit, shtetasi M.S., 39 vjeç, duke drejtuar automjetin, ka aksidentuar shtetasin D. Xh., 75 vjeç (këmbësor), ju bëjmë me dije se në përfundim të veprimeve procedurale për këtë rast, u arrestua në flagrancë shtetasi M.S., për veprën penale ‘Shkelja e rregullave të qarkullimit rrugor’”, njoftoi policia.
“D.Xh. humbi jetën, për shkak të dëmtimeve të marra nga ky aksident”, shtuan të njëjtat burime.
