Kreu i Partisë së Lirisë, Ilir Meta, zhvilloi këtë mbrëmje një takim me të rinjtë. Kryefjalë e diskutimit ishte situata në të cilën ndodhet vendi dhe detyrimi i të rinjve për t’u larguar drejt Evropës për një jetë më të mirë.
Meta ka akuzuar qeverinë Rama, të cilën e konsideron pakicë. Tha se të rinjtë i ka pasur dhe do t’i ketë në qendër të vëmendjes dhe do ti mbështesë në çdo sfidë të tyre.
Më tej, Meta tha se Rama i ka shpallur luftë rinisë në Shqipëri dhe që i nxit të largohen nga vendi përmes shpopullimit.
“I kam mbështetur dhe i mbështes të rinjtë që të kenë një përfaqësim sa më të fuqishëm në politikë, në vendimmarrje jo thjesht për karrierat e tyre personale, por që ata të luftojnë për çështjet e të rinjve, të cilat janë braktisur nga kjo pakicë uzurpatore, e cila i ka shpallur luftë rinisë në Shqipëri dhe që i nxit të largohen nga vendi përmes shpopullimit'”- tha Meta.
