Kryetari i Partisë së Lirisë, Ilir Meta nga Lushnja njoftoi nisjen e një fushate të jashtëzakonshme.
Meta u shpreh se qytetarët pas datës 14 Maj do të shohin ndryshimin në këshillat bashkiakë duke theksuar se nuk do të ketë më asnjë qindarkë për inceneratorët.
“14 Maji është për të rinjtë, për të gjyshërit dhe gjyshet tuaja që nuk duan të mbeten vetëm. Por mbi të gjitha është për të ardhmen e kombit tonë. Duke vënë në diskutim të ardhmen e këtij kombi, duke përzënë rininë, nuk ka asgjë tjetër veçse vrasje të njerëzve të pafajshëm dhe shpresës për të ardhmen.
Ne do ia heqim fuqinë bandave të të fortëve dhe do ia japim të rinjve dhe të rejave. Do e shohin qytetarët se çfarë ndryshimi do të ketë në këshillat bashkiakë. Nuk ka më lekë për inceneratorët që vjedh banda e rilindjes dhe ka futur gjsmën e shokëve në burg. Ata do të jenë për të rinjtë dhe të rejat.
Do të jenë për fusha sporti që të mos paguajnë të rinjtë dhe ambiente social kulturore. Dhe do jenë për të krijuar parqe të të rinjve. Takohemi javën tjetër në terren kudo me të gjithë të rinjtë dhe të rejat një fushatë të jashtëzakonshme që do ta kthejë Shqipërinë në rrugën e shpresës. Shqipëria i përket të rinjve. Dhe kështu është e garantuar edhe për shekujt që po vijnë”, tha Meta.
Ai deklaroi se rilindja ka për qëllim të shpopullojë vendin tonë nga të rinjtë dhe të rejat.
“Lekët shkojnë te inceneratorët. Dikur thoja që nuk kemi të bëjmë me emigrim por me shpopullim. E ndjen çdo familje dhe çdo biznes. Po mbyllen lokalet e dasmës. Kam thënë duhet të vrapojmë se po mbyllen edhe furrat e bukës. Këta përpiqen të përçajnë të rinjtë, duke i futur në konflikte me pedagogët dhe mësuesit.
Të rinjtë rendësi ka të edukohen me standardet e larta të dijes dhe të mos shkojnë në rrugën e drogës dhe kriminalitetit. Tiranitë nuk i krijojnë tiranët por njerëzit e ndershëm që nënshtrohen dhe nuk luftojnë për të drejtat e tyre. Do të bëni një ndryshim radikal në këshillat bashkiakë. Në zgjedhjet e fundit vendore, ish LSI mori 13 mandate në këshillin bashkiak të Tiraneës. Nuk kalonte buxheti atëherë siç kalon sot nuk e di njeri ku shkojnë paratë”, deklaroi Meta.
