Ka zgjatur rreth 40 minuta vizita e kryetarit të Partisë së Lirisë, Ilir Meta në zyrën e aleatit të tij Sali Berisha në selinë blu.
Takimi Meta-Berisha erdhi 24 orë pasi KQZ vendosi të njohë grupin “Alibeaj” si PD-ja që ka të drejtën të hyjë në zgjedhjet lokale të 14 majit dhe Lulzim Bashën si kryetarin e tyre tyre, ndërsa Ilirjan Celibashi iu la 48 orë kohë për të dorëzuar dokumentacionin e plotë.Fokusi i këtij takimi ishin zgjedhjet e 14 majit dhe formula që do të përdor opozita për të bërë të mundur që kandidatët e “Primareve” të regjistrohen për zgjedhjet lokale.
Sakaq, pas mbledhje Meta u prononcua për gazetarët në selinë blu duke deklaruar se opozita është e bashkuar për ndryshim në zgjedhjet e 14 majit.
Meta u shpreh optimist sa i takon rezultateve për Këshillat bashkiakë, duke shtuar se ato do të jenë shumica e opozitës.
“Të gjithë opozitarët janë bashkë për ndryshim! Kandidatet e Primareve janë të mrekullueshëm, të jashtëzakonshëm. E kam thënë dhe më parë, nga Tropoja deri në Sarandë, i konsiderojmë kandidatë dhe të Partisë së Lirisë. Shumica dërrmuese e Këshillave Bashkiakë do jetë e opozitës së bashkuar”, tha ai.
