Në një ndeshje të mbushur me yje në duelin mes Bayern Mynih dhe PSG, më i miri del pikërisht ai, veterani Tomas Myler, i cili ishte vendimtar në fushën e lojës për skuadrën e tij.
Pikërisht nga ai lindi goli i avantazhit që solli kualifikimin e Bajern Mynih dhe për sulmuesin gjerman, u shpall për këtë arsye “Lojtari i ndeshjes” nga UEFA.
Një vlerësim për sulmuesin i cili shpeshherë ka kaluar në plan të dytë, por që ka qenë gjithmonë aty, në çdo cikël fitues të Bajernit, si me Riberi-Roben, apo edhe me Levandovskin, teksa shpesh është kthyer në makthin e madh te Lionel Mesit.
Megjithatë, ndryshe nga e kaluara, sot ai ishte pak më modest në fjalët e tij pas sfidës. “Në një ndeshje si kjo, ka gjithmonë momente kur duhet të vuash dhe të krijosh pak fat për veten tënde.
Ne ishim më të kontrolluar në mbrojtjen tone në pjesën e dytë. Luajtëm një ndeshje më të mirë dhe në fund e merituam të fitonim”, tha ai.
