Policia ka lokalizuar dhe arrestuar drejtuesin e automjetit që shkaktoi aksidentin me vdekje mbrëmjen e sotme në Shijak.
Aksidenti i rëndë ndodhi pranë fshatit “Rreth” në orën 19:15, të kësaj të mërkure, ku automjeti me drejtues shtetasin N. D., 31 vjeç përplasi shtetasin H.H, 32 vjeç, i cili udhëtonte me biçikletë dhe për pasojë ndërroi jetë.
Drejtuesi i automjetit është larguar nga vendi i ngjarjes, ndërsa është arrestuar nga policia pas më shumë se një ore.
Njoftimi i policisë
Rreth orës 19:15, në fshatin Rreth, Shijak, një automjet me drejtues shtetasin N. D., 31 vjeç, ka përplasur shtetasin H. H., 32 vjeç, i cili udhëtonte me biçikletë, ku si pasojë e përplasjes ka humbur jetën.
Drejtuesi i automjetit është larguar nga vendngjarja.
Shërbimet e Policisë Shijak, pas marrjes së njoftimit, kanë organizuar punën dhe falë veprimeve të shpejta dhe informacioneve bënë të mundur lokalizimi dhe kapja e autorit, bllokimin e automjetit dhe shoqërimin në ambientet e Komisariatit të Policisë Shijak, të shtetasit N. D., 31 vjeç, për veprime të mëtejshme.
Grupi hetimor nën drejtimin e Prokurorisë vijon punën për zbardhjen dhe dokumentimin e plotë të shkakut të aksidentit.
