Nxitimi i Enkelejd Alibeajt për të thirrur një mbledhje të atyre që ai i cilëson strukturat e PD-së, pasi Gjykata e Apelit vendosi të rikthejë për shqyrtim në Shkallën e Parë çështjn e vulës së PD, duket se nuk gjen mbështetje në bazën e PD.
Strukturat përgjatë vitit të fundit e kanë treguar se besojnë te kryedemokrati Sali Berisha, teksa me votë i besuan edhe rikthimin në krye të tyre, ndërsa baza refuzon të pranojë kandidatët që grupi “Alibeaj” u prezanton si përfaqësues të tyre për zgjedhjet e 14 majit.
Precedenti i parë është regjistruar në Patos, ku në një mbledhje të zhvilluar mbrëmjen e djeshme Dega e PD atje ka dalë me vendimin se Lulzim Basha, Enkelejd Alibeaj dhe kandidatja e tyre për bashkinë Patos, Pranvera Rizai janë persona të pa dëshirueshëm për demokratët e këtij qyteti.
Në një dalje për median kreu i kësaj dege Shezaim Ymeraj ka deklaruar këtë vendim të marrë nga kryesia e PD-së në Patos.
“Dega e PD Patos në mbledhjen e saj të fundit vendosi të shpallë persona të padëshiruar deputetët Lulzim Bashën, Enkelejd Alibeajn dhe shtojcën e tyre kandidaten për kryetare bashkie në Patos me veprimet e tyre në dy vitet e fundit kanë punuar për asgjësimin dje përçarjen e PD, aktiviteti politik dhe qëndrimi i mbajtur i kanë dhënë oksigjen regjimit të Edi Ramës. Lulzim Basha, Enkelejd Albeaj dhe kandidatja nuk përfaqësojnë më interesat e demokratëve të Patosit”, tha Ymeraj.
