Ashtu siç kishte paralajmëruar, Enkelejd Alibeaj është duke zhvilluar një mbledhje me deputetët që janë rreshtuar pranë tij, dy ditë pas vendimit të Gjykatës së Apelit për të dërguar për rigjykim në Shkallën e Parë çështjen e vulës së Partisë Demokratike.
Mësohet se mbledhja e Kryesisë që është thirrur nga Alibeaj po zhvillohet në ambientet e një hoteli në kryeqytet dhe ka nisur pak pas dorëzimit nga përfaqësuesi ligjor Indrit Sefa, kërkesën e grupimit të tij në KQZ për t’u regjistruar në zgjedhje.
Kjo mbledhje ka sjellë edhe surprizën e parë, që mban emrin e ish-kryebashkiakut të Kamzës, Xhelaol Mziu, i cili pasi iu bashkua Grupit Parlamentar të PD-së së drejtuar nga Berisha, duket se është pozicionuar sërish në krah të Alibeajt.
Deputeti i PD-së për Dibrën është pas vendimit të Apelit për vulën duket se ka ndryshuar mendje dhe është rikthyer sërish tek mbledhjet e grupit të Enklejd Alibeajt.
Sakaq mësohet se deri më tani në mbledhje kanë mbërritur deputetët Ramadan Likaj, Flutura Açka, Eralda Banedhe Flutura Bakiu. Gjithashtu marrin pjesë, anëtarja e Kryesisë Taulanta Jupi dhe Endri Hasa, si edhe përfaqësuesi ligjor Indrit Sefa.
Ndërkohë, edhe pse në letra rezulton ende kryetar Lulzim Basha pavarësisht dorëheqjes së dhënë publikisht një vit më parë, Alibeaj si nënkryetar dhe Gazmend Bardhi si Sekretar i Përgjithshëm janë autorizuar të regjistrojnë kandidatët nën logon e PD, prej tij.
