Avokati Jordan Daci tha në emisionin Review në Euronews Albania se Dan Hutra kushte të drejtë si kushdo tjetër që të përfitonte nga gjykimi i shkurtuar.
Duke iu referuar debatit publik për dënimin e tij me vetëm 14 vjet burg për vrasjen e gruas së parë në 2007, Daci u shpreh se gjykimi i shkurtuar është një praktikë që e ka e gjithë bota dhe duhet të aplikohet në çdo rast.
“Gjykimi i shkurtuar nuk varet nga lloji i veprës, madje edhe për ato vepra për të cilat ndalohet sot, në gjykimin tim është antikushtetues sepse ka dhe vendime të gjykatave italiane që thonë se gjykimi i shkurtuar i shërben ekonomisë gjyqësore. E thënë thjesht lehtëson gjykimin dhe në shkëmbim të kësaj lehtësie që i pandehuri heq dorë për të paraqitur prova, ligji i jep mundësi të përfitojë ulje 1/3 e dënimit. Për mua gjykimi i shkurtuar duhet të aplikohet në çdo rast dhe këtë nuk e kemi ne por e ka e gjithë bota.
