Disa ditë pasi News24 iu bllokua transmetimi dhe u boshatis godina ku ndodheshin materialet e gazetarëve, juristi Jordan Daci ka deklaruar se kemi të bëjmë me sekuestrime të paligjshme të sendeve të gazetarëve.
Ai tha se ka një vendim të Gjykatës Kushtetuese, ku përmend rastin e Elton Qynos, ku sipas tij garantohet privatësia e materialeve të gazetarëve.
“Në rastin e News24, kemi të bëjmë me vetëgjyqësi. Çështja është në gjykatë, e vërteta është me News 24. Ushtria e ka të ndaluar të marrë pjesë në çështjet e rendit. Nuk kishte pse të kishte dhunë. Ka pasur sekuestrime të paligjshme të materilave të gazetarëve, ka vendim të Gjykatës Kushtetuese në rastin e Elton Qynos, sepse garantohet privatësia e materialeve të gazetarëve. Mund të zgjidhej një mënyrë më humanë dhe më e thjeshtë. Nuk duhet të kishte ndodhur ndërprerja menjëherë e energjisë elektrike, nuk mund të veprohej ashpërsisht, mund të veprohej në mënyrë më qytetare dhe më ligjore.
Te Neës24, nuk është zone e mirfilltë ushtarake. Mund të lejohej hyrja dhe në mënyrë të përkohshme dhe në Shkozë. Ata kanë bërë çdo gjë që gazetarët mos hyjnë në ambientet e tyre. Asnjë dëm te News24 nuk do ikë pa u shpërblyer, gjykatat ndërkombëtare kanë mekanizma pafund për të detyruar shtetin shqiptar të paguajë. Neës24 është viktimë, shteti do përgjigjet”, tha daci.
Po ashtu edhe ish-deputeti demokrat Salianji e konsideroi këtë një ngjarje të rëndë për demokracinë, që sipas tij, nuk ndodh në vendet demokratike të Europës, por në regjime autoritare dhe shtete të pazhvilluara.
“Goditja ndaj News24 ishte pabesi dhe sulm direkt ndaj fjalës së lirë. U cenua dinjiteti i gazetarëve, ndërsa vjedhja e materialeve gazetareske përbën vepër penale”, u shpreh Salianji.
Ai shtoi se kjo situatë është tregues i shndërrimit të qeverisë në një regjim, ku pushteti nuk toleron më as median.
“Jemi në kushte të qarta të një partie-shtet dhe regjimi. Rasti i News24 është i paprecedent në Europë. Këto ndodhin vetëm në disa vende afrikane ose të pazhvilluara, jo në demokracitë perëndimore”, tha Salianji në News24.
