Rreth orës 17:45 këtë të dielë një 40 vjeçare është hedhur nga ura në liqenin e Pogradecit.
Kanë qenë banorët dhe policia ata që bënë të mundur që ta nxirrnin nga uji 40 vjeçaren.
Gruaja u dërgua për ndihmë mjekësore në spital, ku ndodhet jashtë rrezikut për jetën.
“Më datë 05.03.2023, rreth orës 17:45, në lagjen nr.3, nga ura buzë liqenit të Pogradecit, është hedhur në ujë shtetasja S. K., rreth 40 vjeçe, banuese në Pogradec, e cila falë ndërhyrjes së disa banorëve dhe shërbimeve të Policisë, u nxorr nga uji dhe u dërgua për ndihmë mjekësore në spital, ku ndodhet jashtë rrezikut për jetën”, njofton policia.
Grupi hetimor po punon për sqarimin e rrethanave të ngjarjes
