Policia ka arrestuar një personat e shpallur në kërkim për vrasje me paramendim mbetur në tentativë dhe kryer në bashkëpunim” në datën 16 nëntor 2017 në Unazë të Re, ku mbeti i plagosur 30-vjeçari Gentian Rrahmani.
Policia e Tiranës në bashkëpunim me Policinë e Durrësit njoftoi se kapën dje të shpallurin në kërkim, Joxhino Kambo, 22 vjeç, banues në Durrës. Kambo, më datë 16.11.2017 në vendin e quajtur rruga “Mikel Maruli” pranë Unazës së Re Tiranë, në bashkëpunim me dy persona të tjerë, për motive të dobëta kanë tentuar të vrasin me armë zjarri shtetasin Gentian Rrahmani.
Në cilësinë e provës materiale u sekuestrua mjeti AA325HG, në pronësi të shtetasit të lartpërmendur, ku me anë të të cilit dyshohet se autorët u larguan nga vendi i ngjarjes.
Materialet iu referuan Prokurorisë së Rrethit Gjyqësorë Tiranë në ngarkim të shtetasit të lartpërmendur për veprat penale “Vrasja me paramendim e mbetur në tentativë e kryer në bashkëpunim” dhe Armëmbajtja pa leje” parashikuar nga nenet 78-22,25 dhe 278 të Kodit Penal.
Ngjarja me 16 nentor 2017
Polidia e Shtetit u deklarua më 16 nëntor 2016 për plagosjen e një të riu nga Kukësi në zonën e Astirit në Tiranë. Dy persona sulmuan një të tretë duke e goditur me sende të forta dhe i thyen dhe xhamin e makinës. Personi i goditur ka mundur t’u shpëtojë ndaj duart, të hipë në makinë dhe të qëllojë ata që e sulmuan, me një pistoletë. Si rrjedhim, ka plagosur një person me emrin Gentian Rrahmani, që Policia nuk e ka specifikuar nëse ishte njeri nga dhunuesit apo jo.
