52 nga 57 viktimat e tragjedisw hekurudhore në Greqi janë identifikuar me metodën e ADN-së.
Mediat vendase raportojnë se 14 familje janë vënë në dijeni nga kreu i grupit të identifikimit të Policisë greke dhe psikologët specialistë, ku ky proces i dhimbshëm ka vijuar.
Procesi i identifikimit të trupave pas aksidentit tragjik nga përplasja e trenave, kryhet me metodën e ADN-së nga laboratorët e posaçëm të mjekësisë ligjore të Policisë Helenike. Në laboratorë procesi i identifikimit kryhet 24 orë në ditë dhe çdo punë tjetër është pezulluar për të përfunduar sa më shpejt të gjithë procesin e identifikimit.
Numri i të vdekurve deri tani raportohet të ketë shkuar në 57. Ngjarja e rëndë ndodhi pak para mesnatës së të martës në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 44 personave. Një tren me 350 pasagjerë që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kablli elektrik në njërën prej vagonët të trenit me pasagjerë që në momentin e përplasjes ka rezultuar fatal.
