Të rinjtë e Forumit Rinor të PD kanë nisur marshimin drejt Kryeministrisë.
Qytetarë, simpatizantë të Partisë Demokratike janë bërë bashkë, teksa i janë bashkuar protestës së opozitës. Gjithashtu forca të shumta policie janë pozicionuar përpara Kryeministrisë.
Nga momenti në moment pritet të dalë edhe kreu i Partisë Demokratike, Sali Berisha i cili pritete t’i bashkohet qytetarëve që po marshojnë drejt Kryeminsitrisë.
Qytetarë nga i gjithë vendi, janë nisur drejt Tiranës, për tju bashkuar protestës së thirrur nga opozita mesditën e sotme në bulevardin ‘Dëshmorët e Kombit’.
Njëkohësisht masat e sigurisë janë shtuar edhe në Gjykatën e Apelit për të shmangur ndonjë incident të mundshëm pas vendimit të sotëm për “vulën” e Partisë Demokratike.
Skena ku do të mbahen fjalimet e liderëve të opozitës sot po bëhet gati, edhe kryeministria ishte në përfundim të masave para fillimit të protestës. Institucioni ishte blinduar, fortifikimi i dyerve kishte përfunduar, ndërsa dritaret ishin kryesisht me grila mbyllur.
