Dan Hutra, tashmë në pranga, është autori i dyshuar i masakrës së djeshme duke vrarë 3 gra dhe plagosur 3 të tjera në Paskuqan dhe Kamëz.
Së fundmi ka folur për mediat edhe komshiu i tij, Ilir Hajvazi i cili ka rrëfyer që autori i 3 vrasjeve të djeshme ka qenë gjithmonë një person problematik. Madje ai shton se dje pati frikë nga ndonjë hakmarrje e mundshme e Hutrës pasi disa vite më parë e ka rrahur, por pa zbuluar arsyen e konfliktit të tyre.
“Mendova se do më vriste mua se[se e kam rrahur njëherë. Nuk e di si është liruar një person i tillë që ka vrarë, dhunuar dhe grabitur gjatë gjithë kohës. Ka qenë një mostër me gjithë veset e këqija që mund të ketë një njeri”-është shprehur i moshuari per mediat.
