Kjo e Enjte pritej një seancë maratonë me pyetje e përgjigje në seancën e Kuvendit, me kryeministrin Edi Rama që supozohej të sqaronte lidhjen e tij me ish-shefin e arrestuar të FBI-së, Charles Mcgonigal. Megjithatë, rezultoi një seancë e zakonshme, me kreun e qeverisë mbajti një fjalim dhe u largua nga salla e paralamentit.
“Mendoj se 24 orë janë mjaftueshëm për këdo grup parlamentar apo deputet ta ushtrojë atë kohë…”, do të shprehej disa ditë më parë Taulant Balla, duke krijuar përshtypjen se shefi i tij politik do ti përgjigjej një për një pyetjeve të deputetëve të opozitës lidhur me çështjen.https://youtu.be/AstkLwDxfQ8
Kjo nuk ndodhi. Rama u paraqit në Kuvend me një sjellje cubi. Mbajti një fjalim rreth 45 minuta, në thelb të së cilit ishte deklarata “aktakuza s’thotë asgjë as për mua as për qeverinë as për shtetin shqiptar”. Më tej, një larmi akuzash e sharjesh ndaj opozitës.
Në fund të fjalës së tij paralajmëroi një shpallje “non grata” nga radhët e opozitës e më tej u largua.
Nuk tha asnjë më shumë se ç’kishte deklaruar deri më tani në studiot mediatike.
Opozita, me anë të deputetit demokrat Luçiano Boçi kërkoi ndërprerjen e seancës dhe rifillimin e saj me rikthimin e Ramës, megjithatë drejtuesja Lindita Nikolla nuk ishte e të njëjtit mendim.
Në këtë mënyrë, Rama i rrëshqiti edhe njëherë llogaridhënies për çështjen, që sipas opozitës është shumë e thellë sasa faktet e zbuluara deri më tani.
Kryetari i PD-së, Sali Berisha përsëriti disa herë kërkesën për komision hetimor në përpjekje për të zbardhur lidhjet e dyshimta të Ramës me Charles McGonigal.
Megjithatë kërkesa deri më tani nuk është mirëpritur aspak nga mazhoranca, me kreun e qeverisë Edi Rama i cili duke i vendosur për ta varrosur atë që opozita e quan një aferë të madhe.
