Një aksident tragjik ka ndodhur këtë të mërkurë në Greqi ku dy trena janë përplasur me njëri tjetrin dhe si pasojë kanë humbur jetën 36 persona.
Ndërkaq janë zbuluar emrat e e shtetasve shqiptarë që mbetën të plagosur nga përplasja fatale e trenave.
Ata janë Olta Kulla, Anisa Luri, Roberto Drishti, Elisa Paço dhe Vanesa Lapa. Ndërkohë, një tjetër i ri shqiptar me emrin Denis Ruçi është i zhdukur dhe po kërkohet nga familjarët e vet. Këta të fundit kanë kontaktuar me policinë greke dhe mediat shqiptare.
Aksidenti hekurudhor ndodhi në hyrje të luginës së Tempes, ku një tren pasagjerësh që udhëtonte midis Athinës dhe Selanikut me 350 pasagjerë në bord u përplas me një tren mallrash pranë qytetit të Larisës. Për pasojë 36 persona kanë humbur jetën , 130 të lënduar dhe 66 persona që po marrin mjekim në spital. 6 prej tyre janë në gjendje të rëndë.
Greqia ka shpallur 3 ditë zie kombëtare në nder të viktimave.
