Në Kuvendin e Shqipërisë më 2 mars do të zhvillohet mocioni me debat me kryeministrin Edi Rama referuar implikimit të tij në aferën “Mcgonigal”.
Gjatë një deklarate për mediat nga Kryesia, Balla i bëri thirrje të gjithë deputetëve që të përgatiten pasi do të kenë rreth 10 minuta kohë në dispozicion.
“Ditën e enjte më 2 mars kemi përcaktuar me vendim të seancës së Kuvendit, mocionin me debat. Të gjitha grupet parlamentare duhet të përgatiten, po bëjmë përgatitjet tona për të treguar cështje që kanë rëndësi. Besoj të mos gjendemi, me kërkesa të tjera proceduriale. Cdo deputet do të ketë 10 minuta në dispozicion, sipas kërkesës së depozituar. Kemi një bashkim të disa kërkesave, 24 orë janë mjaftueshëm për këdo. Është opinion publik ai që na gjykon. Grupi PS mezi pret këtë seancë, për të komunikuar me publikun disa të vërteta të mëdha” u shpreh Balla.
Në mocion janë përfshirë edhe interpelanca dhe të gjitha pyetjet e kërkuara nga opozita. Sakaq Berisha ka zhvilluar disa protesta të njëpasnjëshme referuar këtij skandali ndërsa ka paralajmëruar se nëse Rama nuk vjen në Kuvend, ata do ti shkojnë në Surrel.
