Janë zbuluar të tjera detaje nga atentati i dështuar në Elbasan për të cilin janë vënë në pranga Arsen Preçi dhe Arben Spahiu.
Prokuroria e Elbasanit ka çuar për ekspertim në laboratorin e policisë shkencore tre profile gjurmë gishti dhe një profil AND-je të gjetur në makinën tip BMW X6 të gjetur në Elbasan disa ditë më parë.
Përmes gjurmëve të gishtave dhe profilit të ADN shpresohet të zbardhet identiteti i personave të tjerë që kanë përdorur makinën tip BMW, në të cilën u gjetën 3 armë kallashnikov dhe dy shishe me benzinë.
Makina luksoze ku u gjetën armët, rezulton të jetë vjedhur dy javë më parë në Shkodër.
Makina ishte bërë gati për atentatin ndaj Elton Kilës alias “Otit” dhe Talo Çelës.
