Kandidati i opozitës për Bashkinë e Elbasanit, Luçiano Boçi ka sjellë në vëmendje situatën shumë të rëndë dhe papastërtinë e këtij qyteti që nën drejtimin e socialistëve është “zhytur” nën plehra.
Gjatë një postimi në rrjetet sociale, Boçi thekson se pavarësisht se qytetarët në Elbasan dhe në të gjithë Shqipërinë paguajnë taksën më të lartë për aferën e “inceneratorëve”, autoritetet lolake nuk kryejnë as detyrën më minimale për t’i mbledhur mbetjet duke lënë shumë lagje në pisllëk.
Boçi shkruan se ndryshimi do të vijë pas zgjedhjeve të 14 majit.
“Mirmëngjes nga Elbasani, qyteti me “Incenerator”, me taksa të larta vendore por me shumë plehra. Ndryshojmë më 14 maj”, shkruan Boçi teksa poston disa foto nga lagjet e Elbasanit të mbushura me plehra.
