Avokati Adriatik Lapaj është i mendimit se më parë ka pasur vizion sa i takon ndërtimit të rrugëve dhe infrastrukturës, gjë që sot mungon.
“Sot a thua se mbaroi toka në Shqipëri dhe çdo lagje e re që bëhet, rrugët bëhen në një mënyrë aq të ngushtë, aq të papërshtatshme sa ti habitesh, thua ore këta e kuptojnë që ky qytet ka dinamizmit e veta. Unë mendoj që e gjitha kjo vjen si pasojë e makutërisë, e kam bindje,” – u shpreh Lapaj.
Barometri në Euronews Albania ka pyetur qytetarët e Tiranës se cilat janë 5 problemet më të rëndësishme me të cilat përballet kryeqyteti sot.
33.2% e qytetarëve konsiderojnë problematike densitetin e lartë të ndërtimeve.
