Prej dy ditësh, familjarët kanë humbur kontaktet me një të ri në Durrës. Kjo ka bërë që ata ti drejtohen Policisë për ndihmë, duke denoncuar zhdukjen e familjarit të tyre.
Specialistët për Krimet në Stacionin e Policisë Plazh po punojnë për gjetjen e Stebastian Kovaçit, 18 vjeç, banues në lagjen Nr.13 Durrës, njofton Policia.
Kovaçi është larguar nga banesa më datë 24.11.2017 për të shkuar në punë dhe nuk është kthyer. I riu punonte në një parking në afërsi të Vollgës dhe nuk është paraqitur në punë më datë 24.11.2017.
Ai është rreth 1.50 cm i gjatë, me flokë ngjyrë të zeza të prera shkurt dhe ka veshur një palë xhinse blu, një triko ngjyrë blu dhe atlete ngjyrë kafe.
Drejtoria Vendore e Policisë Durrës vë në dispozicion numrin 0694110217 për këdo që ka informacione lidhur me vendndodhjen e të riut.
