Deputeti i Partisë Demokratike, Edmond Spaho deklaron për mediat se ai dhe kolegët e tij duhet të futen brenda Kuvendit. Pasi doli nga selia blu, deputeti tha se kanë bërë ankesë për vendimin e Sekretariatit të Etikës që i ka përjashtuar nga Kuvendi pasi bllokoi seancën e shkuar duke i fryrë bilbilit për 6 orë.
“Ne kemi bërë ankesë te Byroja e Kuvendit për vendimin që ka marrë Etika. Derisa të na dëgjojë Byroja do të duhet të na lejojnë të hyjmë në Kuvend. Se çfarë bëjnë me forcë është tjetër punë”, tha Spaho.
Edhe sot, si javën e kaluar do të përsëritet skenar i njëjtë. Spaho do të bëjë të njëjtin veprim si deputetët që ishin përjashtuar dhe do tentojë të futet në Kuvend.
