Në një video të postuar në Facebook, kreu i Partisë së Lirisë, Ilir Meta shprehet se përpjekjet e Edi Ramës për të instaluar regjimin e tij personal në vendin tonë, kanë marrë fund.
Duke iu referuar protestave të përjavshme para Parlamentit dhe tubimit të parashikuar për t’u zhvilluar më 3 Mars, Meta nënvizon se tashmë Rama do të përballet me shqiptarët e ndershëm dhe opozitën, të cilët nuk i ndal asgjë.
“Përpjekjet e Edi Ramës për të instaluar regjimin e tij personal në Shqipëri kanë marrë fund njëherë e përgjithmonë. Edi Rama ka përballë shqiptarët e ndershëm dhe patriotë dhe opozitën, të cilët nuk i ndal asgjë dhe askush për të realizuar Ndryshimin e Madh që qytetarët meritojnë”, shkruan Meta.
