Kandidati i Partisë Demokratike për Bashkinë e Tiranës, Belind Këlliçi, gjatë një takimi me qytetarët është shprehur fitorja është e sigurt me ndihmën e tyre.
Në takimet me banorët e zonës së “Petro Nini Luarasi”, Këlliçi dëgjoi nga afër shqetësimet për punën e pushtetit vendor, problematikën e zonës apo pritshmëritë e qytetarëve, me qëllim që këto të jenë pjesë e programit që do të prezantojë PD-ja gjatë fushatës në Tiranë.
“Tungjatjeta Tirana! Si u gdhinë të dashuruarit? 😄
Me ekipin jemi në rrugën “Petro Nini Luarasi”. Biseda e përshëndetje 🤝🏻 me qytetarë.”, shkruan Këlliçi.
Këlliçi tha se fitorja është e sigurt me ndihmën e njerëzve të thjeshtë që do të ndryshojnë drejtimin e bashkisë më 14 maj.
Takimet e Këlliçit janë pjesë e turit “Jam këtu t’ju dëgjoj”, që ka si qëllim komunikimin e drejtpërdrejt me secilin banor të Tiranës.
