Dashurinë për futbollin dhe dëshirën për të qenë sa më pranë tij nuk e zbehu dot as tërmeti që shkaktoi mijëra viktima. Semih Ince, vetëm 9 vjeç u shpëtua pas 156 orësh nën rrënoja, ndërsa kërkesa e parë mbi tokë ishte për futbollistin e zemrës.
Nga shtrati ku merrte trajtim mjekësor, Semih i bëri një thirrje portierit uruguaian që mbron portën e Gallatasarait, të cilit i kërkoi fanellën.
36-vjeçari kishte mësuar nëpërmjet lajmeve dëshirën e vogëlushit, teksa nuk nguroi të zhvillonte një videobisedë me të.
