Partia Socialiste ka kërkuar përjashtimin për 10 ditë nga Kuvendi të disa deputetëve demokratë, ekzaktësisht të Flamur Nokës, Sali Berishës, Belind Këlliçit si edhe Edi Palokës pas tensioneve që ndodhën gjatë seancës së djeshme.
Noka u përjashtua nga seanca dje pas disa paralajmërimeve se po shkaktonte zhurmë duke i fryrë bilbilit.
Ai u bë protagonist në disa raste gjatë seancës dhe tentoi t’u pamundësonte fjalën deputetëve të Partisë Socialiste, mes të cilëve dhe kryetari të grupit parlamentar të PS, Taulant Ballës.
Seanca plenare e ditës së djeshme zhvillohej teksa jashtë ambienteve të Kuvendit po mbahej protesta e thirrur nga opozita.
