Ndeshjet e javës së 22-të të Kategorisë Superiore do të zhvillohen të ndara në dy ditë, të shtunën dhe të dielën. Ndeshjet do të kthehen të gjitha plotësisht në fundjavë, sipas kalendarit të parashikuar nga FSHF, me sfida të rëndësishme që mund të vendosin shumë gjëra në luftën për çdo objektiv.
Ndeshjet nisin të shtunën me përballjen Laçi-Bylis në orën 13:00, ndërsa më pas e ka radhën sfida Teuta-Kukësi në orën 16:00. Rezultatet e këtyre ndeshjeve mund të jenë vendimtare për renditjen e skuadrave sa i përket luftës për mbijetesë në Superiore. Të shtunën në orën 19:00, do të luhet një sfidë direkte mes skuadrave që janë në pjesën e sipërme të klasifikimit dhe kanë pretendime ambicioze, Partizanit dhe Erzenit.
Ndërkohë, të dielën do të luhen në orën 13:00 të dy sfidat e mbetura. Egnatia pret Vllazninë në një duel po me shumë rëndësi për garën për majat e klasifikimit, teksa në ndeshjen tjetër, Kastrioti i vendit të fundit, pret Tiranën kryesuese.
JAVA 22
Të shtunën
Laçi-Bylis ora 13:00
Teuta-Kukësi ora 16:00
Partizani-Erzeni ora 19:00
Të dielën
Kastrioti-Tirana ora 13:00
Egnatia-Vllaznia ora 13:00
