Këngëtarja e mirënjohur e muzikës popullore, Irini Qirjako gjatë një interviste të dhënë mbrëmjen e sotme, ka treguar disa prej momenteve më të vështira në jetë. Një prej tyre, ka thënë ajo, ka qenë vdekja e nënës në Athinë.
E ftuar në emisionin “Glamour Zone”, Irini është shprehur se e kishte lënë nënën duke dhënë shpirt në spital pasi duhet të kthehej në Tiranë për një aktivitet të rëndësishëm. Pas katër ditësh, nëna fatkeqësisht ka ndërruar jetë.
Gjatë gjithë këtyre viteve karrierë, cili ka qenë momenti yt më i vështirë?
“Kur vdiq nëna ime në Gusht 2022. Unë e lash nënën në spital. Ajo ishte shumë rëndë. Ajo po jepte shpirt dhe ditën e katërt vdiq, në Athinë. Ndërkohë që mua më duhej të kthehesha në Tiranë sepse atë ditë kisha një aktivitet shumë të rëndësishëm”, u shpreh Irini Qirjako.
