Vizita e presidentit të Ukrainës Volodymyr Zelensky në Britani të Madhe duket se “hutoi” një prej televizioneve në Poloni. Në kohën kur Zelensky po mbante një konferencë të përbashkët me kryeministrin britanik Rishi Sunak, televizioni polak nën emrin e presidentit ukrainas ia kishte vënë titullin “kryeministri i Britanisë së Madhe”.
Mjaftoi kjo gafë, që edhe këshilltari i Ministrit të Jashtëm ukrainas, Anton Gerashchenko, të bëjë pak humor duke shkëputur këto fotografi “ikonike”. Gjatë qëndrimit në Britani të Madhe, Zelensky kërkoi nga liderët e atjeshëm që të vazhdojnë ndihmën ushtarake për Ukrainën, duke u kërkuar edhe aeroplanë luftarakë modern.
Gjatë ditës së sotme në Parlamentin Evropian tha se Rusia është shteti më antievropian në botë, duke tentuar që Putin t’ua ndryshojë stilin e jetës evropianëve.
Meanwhile, Polish TV made @ZelenskyyUa the President of Great Britain. pic.twitter.com/E6SLPgzp19
— Anton Gerashchenko (@Gerashchenko_en) February 9, 2023
