Deputetët e mazhorancës në komisionin e etikës vendosën këtë të Mërkurë të pranonin kërkesën e kolegëve të tyre socialistë për pushimin nga seancat dhe komisionet parlamentare për 10 ditë të 8 deputetëve të PD-së.
Në kërkesën e firmosur nga 7 deputetë socialistë, thuhet se Boçi, Vokshi, Salianji, Zhupa, Baçi dhe Shehu në mënyrë të koordinuar bllokuan foltoren e Kuvendit në seancën e fundit parlamentare, kur pati përplasje mes palëve për rastin “Mc Gonigal. Ndërsa deputetët Bardhi dhe Nallbati, sipas PS, kanë artikuluar fjalë fyese drejtuar kryetares së Kuvendit.
Mbledhja e sotme në komisionin e etikës u shoqërua me debate mes deputetëve të opozitës dhe kryetares së komisionit Klotida Bushka. Demokratët kundërshtuan zhvillimin e mbledhjes me dyer të mbyllura.
