Presidenti Bajram Begaj ka shprehur ngushëllimet pranë Ambasadës së Turqisë, për tërmetin ku humbën jetën mijëra njerëz.
Nëpërmjet një postimi në FB, Begaj ka shkuar se lutet për një rimëkëmbje sa më të shpejtë fizike dhe shpirtërore të secilës familje të prekur nga kjo tragjedi.
“Sot shpreha ngushëllimet pranë Ambasadës së Turqisë, për tërmetin shkatërrimtar të datës 6 shkurt 2023.
Populli shqiptar, si dhe unë e kemi të vështirë të gjejmë fjalët e duhura për të ngushëlluar popullin vëlla turk dhe qetësuar sadopak zemrat e familjeve të të mbijetuarve.
Lutemi për një rimëkëmbje sa më të shpejtë fizike dhe shpirtërore të secilës familje të prekur nga kjo tragjedi”, shkruan Begaj.
Sipas përditësimit të fundit nga tërmeti janë regjistruar më shumë se 11.200 viktima dhe duke lënë nën rrënoja me qindra persona të tjerë.
Lëkundjet fatale zgjatën rreth një minutë dhe u ndjenë deri në Qipro, Egjipt dhe Liban.
