Vala e emigrantëve që zgjedhin të kalojnë Kanalin Anglez me gomone nuk është ndalur edhe pas hyrjes në fuqi të një sërë ligjesh të reja që janë hartuar nga qeveria e kryeministrit Rishi Sunak.
Siç raportojnë mediat vendase më shumë se 200 emigrantë mbërritën në Mbretërinë e Bashkuar gjatë kësaj fundjave për herë të parë që kur Ministria e Brendshme mori masa për trajtimin e krizës.
Sipas mediave britanike, të shtunën u shpëtuan nga anijet e Forcave Kufitare gjithsej 218 azilkërkues që ndodheshin në det të hapur.
Emigrantët u ndodhën në brigjet britanike në orët e para të mëngjesit, duke sfiduar të ftohtin gjatë një udhëtimi të rrezikshëm nëpër Kanal.
Dy grupe të tjera, kryesisht meshkuj, arritën në Mbretërinë e Bashkuar pak para orës 16:00 të pasdites ndërsa mes tyre kishte edhe gra me fëmijë.
Sipas shifrave zyrtare të Home Office, 44 emigrantë bënë udhëtimin e rrezikshëm të dielën.
Të ardhurit e fundit ishin të parët që arritën në Mbretërinë e Bashkuar që kur Ministria e Brendshme zbuloi përgjigjen e saj të re të përforcuar masat për të frenuar kalimet e emigrantëve.
Sekretarja e Brendshme Suella Braverman tha se dështimi i qeverisë për të ndaluar anijet mund të kërcënojë partinë konservatore në zgjedhjet e ardhshme.
