Xhovani Kolela, trajneri i Partizanit, ka deklaruar se ekipi i tij nuk është më në garën për titullin kampion pasi është në vështirësi të dukshme.
“Arsyet pse nuk ruajmë avantazhin janë të shumta, nuk është vetëm një. Mendoj se skuadra është pak e karikuar psikolgjikisht dhe me shumë mundësi është një peshë që nuk arrin ta mbajë.
Meqë është larguar Rrapaj dhe po provojmë zgjidhje të ndryshme. Pastaj mbrapa është e lehtë të bësh komente. Por para se të jap gjykime, preferoj të bëj disa prova. Meqë jemi në vështirësi se një lojtar u largua në momentin e fundit, mund të ndodhë. Pastaj Hoti nuk është hera e parë që e bën, ka luajtur edhe më parë në atë pozicion.
Ne nuk jemi më në garë për titullin nga sot, 6 pikë nga Tirana janë shumë. Ka shumë skuadra dhe ne me shume mundësi nuk jemi në lartësinë e duhur.
Ne do të mundohemi të bëjmë më të mirën, por nuk jemi ne kandidatët për titullin në këto momente, është e dukshme.
Kur një skuadër bën 2 pikë në 5 ndeshje nuk mund të thotë se është kandidate për titull. Para se ta thonë të tjerët, e them unë”, tha ai për “Oversport” për titullin.
