Partizani ka regjistruar ndeshjen e 5-të radhazi pa fitore, teksa sot është mundur përsëri në shtëpi.
Këtë radhë nga Laçi, i cili e ka mposhtur me përmbysje 1-2 në kryeqytet.
Sfida do zhbllokohej në minutën e 28-të nga një super-goditje e Da Silvas, e pamundur për t’u kapur nga portieri.
Në fundin e fraksionit, kurbinasit do barazonin shifrat pas një koordinimi perfekt me kokë të Turkaj.
Laçi do përmbyste shifrat me një aksion fantastik në minutën e 65-të, top magjik i Bajramajt për Shkurtaj, me këtë të fundit që “tund rrjetën”.
Kryeqytetasit do rrisnin presionin në fund, por pa ia dalë dot të merrnin qoftë një pikë nga kjo ndeshje.
Partizani ka 31 pikë në vendin e dytë, laçjanët janë të pozicionuar një vend më poshtë me 29 pikë.
