Studiuesi Frank Hoogerbeets ka arritur të parashikojë me përpikmëri të saktë tërmetin që goditi juglindjen e Turqisë dhe veriun e Sirisë mëngjesin e kësaj të hëne.
Numri i viktimave deri më tani raportohet mbi 800, ndërkohë që shumë persona kanë mbetur nën rrënoja dhe fatkeqësisht pritet që numri i viktimave të rritet.
4 ditë më parë, studiuesi tha në një postim në Twitter se një goditje e fortë sizmike me magnitudë 7.5 ballë mund të ndodhë në Turqi midis datave 4-6 shkurt.
Madje ai ka shpërndarë dhe një video në youtube, ku bën parashikimet dhe argumentimet pse pritet që të ndodhte ky tërmet.
Në një postim tjetër në datën 2 shkurt ai shkruan: “Aktivitet më i madh sizmik mund të ndodhë nga data 4 deri në 6 shkurt, me shumë mundësi deri në mes ose të lartë 6 ballë. Ekziston një mundësi e lehtë për një ngjarje sizmike më të madhe rreth datës 4 shkurt”.
