Deputeti Taulant Balla i është drejtuar opozitës duke i kërkuar llogari ndaj situatës që ka krijuar ajo në parlament sidhe mosprezencën e deputetit të PD-së Genc Strazimiri. “Ku e keni Inidana Jones. Ku e keni Gent Strazimirin, deputetin për armëmbajtje pa leje”, ka thënë ai.
Balla i ka thënë opozitës se diskutimi për pistoletën në brez të deputetit Strazimiri, gjatë protestës së shoqërisë civile tek Parku i Liqenit, do të ishte kryesore. “Strazimiri duhet të japë shpegime”, ka thënë Balla.
“Pse nuk e sillni Gent Strazimirin këtu? Çfarë dorëzoi dje? Pistoletën apo këllëfin e celularit? Çfarë dorëzoi pistoletën apo këllëfin e Ristanit? Pa pikë turpi dilni e thoni nuk ishte armë, por këllëf celulari! E gjithë Shqipëria e pa se ajo ishte një armë. Nuk mund të krahasohet qiraja e një ambienti me armë pa leje të një deputeti. Pse nuk e përjashtoni ju Gent Strazimirin. Pse nuk e keni sjellë këtu? Sillni Genti. Përjashtoni Strazimirin. Ju që në flisni ne për Dekriminalizim”, tha Balla.
Më tej ai u ndal në ligjin e dekriminalizimit duke thenë se ishte deputeti Strazimiri që e kërkonte një gjë të tillë por sipas Ballës është ai i kriminalizuar që lëviz me pistoletë në brez. Menjëherë ka reaguar kreu i grupit parlamentar, Edi Paloka ndaj kërkesës së deputetit Balla për pistoletën e Strazimirit.
