Kryetari i Partisë Demokratike, Sali Berisha ndonëse nuk e pranoi hapur se kishte marrë një letër nga deputeti Gazment Bardhi për të bashkëpunuar, ai pohoi se po ecet drejt këtij procesi.
Gjatë deklaratës për mediat, Berisha theksoi se do të bashkëpunojë me çdo demokrat përveç dyshes Basha-Alibeaj, të cilët i etiketoi si “vegël” të qeverisë së Edi Ramës.
“Ne jemi të hapur të bisedojmë, bashkëpunojmë me të gjithë demokratët. E kam theksuar këtu. Një dyshe është në kontroll të plotë të Ramës. Kjo është dyshja Ali-Basha. Demokratët i bashkojnë më shumë gjerat se sa i ndajnë. Do ecim drejt bashkimit”, tha Berisha.
