Qarku i Korçës është përfshirë pas mesnatës nga reshjet e dëborës, ndërsa temperaturat e ajrit janë ulur ndjeshëm.
Raportohet se reshjet kanë nisur rreth orës 02:00 dhe kanë vijuar për disa orë duke zbardhur plotësisht qytetin, ndërsa janë shoqëruar me erë të fortë.
Më intensive kanë qenë reshjet në zonat malore, ndërsa trashësia e borës varion nga 5 në 25 cm. Sa i përket temperaturave, mesatarja është deri -3 gradë.
Autoritetet po punojnë për kriposjen e akseve dhe mbajtjen hapur të rrugëve kryesore si Qafë Plloçë –Korçë ose Korçë-Dogana e Kapshticës.
Në aksin Korçë-Voskopojë ndodhen dy borëpastruese;
Në aksin K. Dardhës-Dardhës dy borëpastruese;
Në aksin Korçë-Qafa e Qarrit-Ersekë katër borëpastruese.
Në akset rrugore nacionale dhe turistike nuk ka probleme dimërore për qarkullimin e mjeteve aktualisht por drejtuesit e mjeteve rekomandohen të udhëtojnë me goma dimërore në akset rrugore të juglindjes.
Nis dëbora në Voskopojë(Video) pic.twitter.com/1ghpZWeJMp
— KorcaBlog.com (@KorcaAlbania) February 3, 2023
