Pak muaj më parë, ish kryeministri Sali Berisha, denoncoi Drejtorin e Policisë së Beratit, Dilaver Shimaj, se lëvizte me makinë 70 mijë euro në qytet. Denoncimi ishte bërë fillimisht nga një qytetar në profilin e facebook të ish kryeministriti, duke publikuar edhe llojin e makinës, Benz me targa AA 202 OY. Por teksa “Vettingu” në polici po pompohet çdo ditë nga kryeministri Rama, ky drejtues policia ka arritur të shpëtoj nga filtrimi i pasurisë.
Boldnews.al kontaktoi burime pranë Ministrisë së Brendshme, dhe i bën të ditur se nuk ka asnjë hetim apo verifikim të nisur ndaj Drejtorit të Policisë së Beratit, për makinën e tij prej 70 mijë eurosh, të denoncuar nga ish kryeministri Berisha.
Edhe pse është denoncuar publikisht nga ish kryeministri Berisha, por gjithashtu edhe nga mediat, Ministri i Brendshëm, Fatmir Xhafa ende nuk ka marrë asnjë masë ndaj tij. Burime të Ministrisë së Brendshme, shtojnë për Boldnews.al se “Vettingu” në radhët e Policisë së Shtetit, do të nis në janar të 2018, pasi është duke u hartuar baza ligjore.
Deri sa të presim “Vettingun”, Drejtori i Policisë së Beratit, Dilvar Shimaj, duket se është i paprekshëm, pasi në bazë të denoncimit publik, ai lëviz lirisht me Benzin e tij luksoz, prej 70 mijë eurosh.
Statusi i Plotë i ish kryeministrit Berisha, 29.09.2017:
Nga operacioni i konfiskimit te makinave luksoze!
Qytetari dixhital denoncon:
Bosin e policise se Beratit per makinen e tij luksoze qe i kushton 70 mije euro nderkohe qe i konfiskon qytetarit si luksoze makinen qe e ka blere 5 mije euro! sb
“Zoti Berisha po te dergoj foto te makines se drejtorit te policise Beratit dilaver shimaj nje hajdut ish sigurims mercedes i 2015 e blere me rrogen e tij te “ndershme 70 mij euro “.Plus edhe hoteli ne Durres.Anonim te lutem shume.targa AA 202 OY.
Foto e bere ne ambientet e policise berat diten qe moren makinen time qe kushton 5000 euro per gjoja lluksoze.”
