Ish-opinionistja e “BBV 1”, Balina Bodinaku, e ftuar në emisionin “Wake Up”, komentoi lojën e banorëve të këtij edicioni të “Big Brother VIP”.
Ish-opinionistja ka folur edhe për marrëdhënien romantike që po zhvillohet mes Kiara Titos dhe Luiz Ejllit.
“Kiara nuk po i jep shumë siguri atij. Luizi duhet të shohë lojën e tij tani. Unë e shoh sikur ai çdo gjë që thotë ose bën, nuk është rastësisht. Shikoj një lojë të Kiarës bazuar vetëm te Luizi, kam filluar të dyshoj nëse ajo ka një lojë të saj. Duket sikur loja e saj është Luizi”, tha Balina Bodinaku.
E pyetur se ‘si e sheh lojën e Olta Gixharit, Luiz Ejllit dhe Efi Dhedhes, Balina tha:
“E mendova Oltën si lojtare të fortë. Ajo është një aktore shumë popullore dhe spikaste nga të tjerët. Oltën e shoh në finale, ndoshta edhe fituese. Por nuk më pëlqen që hyri brenda në një mënyrë shumë bërtitëse dhe kjo e ka dëmtuar.
Luzi ka disa karakteristika që e bëjnë një lojtar shumë të fortë. Luizi e bën me shumë lehtësi lojën, duke kombinuar talentet e tij, humorin dhe sulmet. Dhe nuk merr asgjë personale. Është i fokusuar. Luizi do të shkojë deri në finale.
Efi më pëlqen si luan. Ajo luan fort, pavarësisht se është e pozicionuar në grupin e Luizit. Por edhe strategjikisht luan mirë. Ndoshta qëllimi i saj nuk është të fitojë, por ajo luan për veten e saj.”
