Gjykata e Shkodrës ka lënë në burg 7 personat që akuzohen se janë pjesë e një grupi kriminal i përfshirë në shfrytëzimin dhe ushtrimin e prostitucionit.
Gjatë operacionit u ndalua Rinard “Federik” Tota, 50 vjeç banues në Shkodër, organizator i rrjetit të prostitucionit. Ndërsa në pranga përfundoi 41-vjeçari Kastriot Musa dhe pesë vajzat që akuzohen për ushtrim prostitucioni.
Rinard Tota shfrytëzonte për ushtrim prostitucioni lokalin e tij “Tata” në Shkodër. Gjatë kontrollit, atij iu sekuestrua ambienti tre katësh në pronësi të tij, dy automjete, një pistoletë dhe bizhuteri të llojeve të ndryshme.
