Një aksident ka ndodhur pasditen e së dielës në aksin rrugor Gjirokastër-Çajup, në vendin e quajtur “Erind”.
Shoferi 62-vjeçar humbi kontrollin e automjetit dhe për pasojë është përplasur me barrierat anësore të rrugës. Shtetasi me iniciale F.M është transportuar me urgjencë në spitalin e Gjirokastrës por ka ndërruar jetë si pasojë e dëmtimeve të marra.
“Rreth orës 16:45, në aksin rrugor Gjirokastër-Çajup, në vendin e quajtur “Erind”, shtetasi F. M., 62 vjeç, banues në fshatin Erind, Gjirokastër, duke drejtuar automjetin tip “Fiat”, dyshohet se ka humbur kontrollin mbi drejtimin e automjetit dhe ka dalë nga rruga. Shtetasi F. M. është transportuar për në Spitalin Rajonal Gjirokastër por ka ndërruar jetë si pasojë e dëmtimeve të marra”, njofton policia.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
