Shkencëtarët shpeshherë dinë si të na mahnitin me zbulime të rëndësishme. P.sh., hulumtuesit e Universitetit të Kalifornisë kanë zbuluar se si t’ua shtoni disa vite jetë prindërve dhe t’ua bëni jetën më të mirë
Mesa duket, vetmia luan rol kyç në shpejtimin e procesit të plakjes dhe është e ndërlidhur me vdekjen. Shkencëtarët kanë vëzhguar gjendjen e 1,600 njerëzve të vjetër me një moshë mesatare prej 71 vjet. Faktorët e tillë si shëndeti dhe statusi socio-ekonomik nuk ishin konsideruar.
Përgjatë gjashtë viteve me hulumtime, vetëm 14 për qind e njerëzve të vjetër të cilët ishin vizituar rregullisht nga të afërmit e tyre kishin vdekur, krahasuar me 23 për qind të personave të vjetër që nuk kishin pasur vizitorë familjarë.
Aq më shumë që plaken njerëzit, aq më shumë i japin rëndësi lidhjes së tyre me familjen. Ndërsa, fëmijët dhe nipërit e mbesat kërkojnë më pak komunikim me gjeneratat e vjetra.
Në përgjithësi, të vjetrit janë më tolerantë ndaj të metave që i kanë miqtë dhe familjarët e tyre. Ata janë gjithmonë gati të ndajnë eksperiencën dhe mençurinë e tyre me të rinjtë, e gjithashtu tu tregojnë se cilave gjëra ia vlejnë t’ua kushtojmë emocionet tona, e cilave jo.
Ne gjithmonë kërkojmë këshilla nga prindërit apo gjyshërit tanë, kërkojmë receta ose thjesht kemi nevojë për përqafimet e tyre. Prandaj, është e rëndësishme të mbani mend se sa shumë kohë na kanë dhuruar ata dhe se sa shumë kanë nevojë për vëmendjen dhe kujdesin tonë.
Vetëm disa orë në javë, vetëm përmes një telefonate në ditë, ju do t’ua rritni atyre mundësitë për të jetuar një jetë më të gjatë dhe më të mirë.
