Një 23 vjeçar, gjatë një konflikti për motive të dobëta, ka goditur me mjet prerës shtetasin A. H., 25 vjeç. Ngjarja ka ndodhur në Fresk.
Mësohet se i riu e goditi me mjet prerës 25 vjeçarin, në pjesë të ndryshme të trupit dhe më pas u largua. Sekuestrohet automjeti i përdorur nga autori i dyshuar.
“Shërbimet e Komisariatit të Policisë Nr. 4, pas marrjes së njoftimit se te Fresku, shtetasi G. C., 23 vjeç, gjatë një konflikti për motive të dobëta, dyshohet se ka goditur me mjet prerës shtetasin A. H., 25 vjeç, kanë organizuar menjëherë punën për kapjen e autorit të dyshuar. Falë veprimeve të shpejta dhe profesionale, brenda një kohe rekord, shërbimet e Komisariatit të Policisë Nr. 4, kapën dhe arrestuan, për veprat penale “Vrasja me dashje” mbetur në tentativë, dhe “Prodhimi, mbajtja, blerja apo shitja pa leje e armëve të ftohta”, shtetasin G. C.”, njofton policia.
Shtetasi A. H., aktualisht ndodhet në spital, nën kujdesin e mjekëve. Materialet i kaluan Prokurorisë, për veprime të mëtejshme procedurale.
