Policia e Gramshit ka dalë me njoftimin zyrtar për krimin e dyfishtë në fshatin Tervol, ku 80-vjeçari Xhevit Sinani, vrau me spatë bashkëshorten e tij, Zeqine Sinanin dhe vëllain Shaqir Sinanin.
Sipas policisë, 80-vjeçari fillimisht vrau bashkëshorten e tij, Zeqinen e cila ndodhej në banesë. Më pas, autori ka dalë dhe 1 kilometër larg nga banesa, vrau dhe vëllain e tij, Shaqirin.
Uniformat blu thonë se ngjarja ndodhi për motive të dobëta, por nuk e cilëson shkakun që çoi 80-vjeçarin në një akt të tillë. Pas ngjarjes, policia sekuestroi dhe sëpatën e autorit.
“Shërbimet e Komisariatit të Policisë Gramsh, pas marrjes së njoftimit, rreth orës 14:50, se në fshatin Tervol, Gramsh, kishte ndodhur një krim i dyfishtë, janë nisur menjëherë drejt vendngjarjes. Nga veprimet e para hetimore rezultoi se shtetasi Xh. S., 80 vjeç, dyshohet se për motive të dobëta, ka vrarë, me send të mprehtë (sëpatë), bashkëshorten e tij, shtetasen Z. S., rreth 74 vjeçe, e cila ndodhej në banesë, dhe më pas ka vrarë vëllanë e tij, shtetasin Sh. S., 73 vjeç, i cili ndodhej në territorin e banesës së tij, rreth 1 kilometër larg nga banesa e autorit. Fale veprimeve të shpejta të shërbimeve të Policisë u bë kapja dhe shoqërimi i autorit, për në Komisariatin e Policisë Gramsh për veprime të mëtejshme”, njofton Policia.
Në cilësinë e provës materiale është sekuestruar mjeti i mprehtë sëpatë me të cilën autori dyshohet që ka kryer krimin e dyfishtë. Grupi hetimor, nën drejtimin e Prokurorisë, vijon punën për zbardhjen e plotë të rrethanave të ngjarjes.
Panorama, siguroi një foto jashtë banesës së 80-vjeçarit Xhevit Sinanit, pikërisht në vendin ku vrau të vëllanë. Siç shihet nga pamja, në tokë është i shtrirë viktima, Shaqir Sinani, i cili është i mbuluar me batanije.
Policia e Gramshit ka dalë me njoftimin zyrtar për krimin e dyfishtë në fshatin Tervol, ku 80-vjeçari Xhevit Sinani, vrau me spatë bashkëshorten e tij, Zeqine Sinanin dhe vëllain Shaqir Sinanin.
Sipas policisë, 80-vjeçari fillimisht vrau bashkëshorten e tij, Zeqinen e cila ndodhej në banesë. Më pas, autori ka dalë dhe 1 kilometër larg nga banesa, vrau dhe vëllain e tij, Shaqirin.
Uniformat blu thonë se ngjarja ndodhi për motive të dobëta, por nuk e cilëson shkakun që çoi 80-vjeçarin në një akt të tillë. Pas ngjarjes, policia sekuestroi dhe sëpatën e autorit.
“Shërbimet e Komisariatit të Policisë Gramsh, pas marrjes së njoftimit, rreth orës 14:50, se në fshatin Tervol, Gramsh, kishte ndodhur një krim i dyfishtë, janë nisur menjëherë drejt vendngjarjes. Nga veprimet e para hetimore rezultoi se shtetasi Xh. S., 80 vjeç, dyshohet se për motive të dobëta, ka vrarë, me send të mprehtë (sëpatë), bashkëshorten e tij, shtetasen Z. S., rreth 74 vjeçe, e cila ndodhej në banesë, dhe më pas ka vrarë vëllanë e tij, shtetasin Sh. S., 73 vjeç, i cili ndodhej në territorin e banesës së tij, rreth 1 kilometër larg nga banesa e autorit. Fale veprimeve të shpejta të shërbimeve të Policisë u bë kapja dhe shoqërimi i autorit, për në Komisariatin e Policisë Gramsh për veprime të mëtejshme”, njofton Policia.
Në cilësinë e provës materiale është sekuestruar mjeti i mprehtë sëpatë me të cilën autori dyshohet që ka kryer krimin e dyfishtë. Grupi hetimor, nën drejtimin e Prokurorisë, vijon punën për zbardhjen e plotë të rrethanave të ngjarjes.
Panorama, siguroi një foto jashtë banesës së 80-vjeçarit Xhevit Sinanit, pikërisht në vendin ku vrau të vëllanë. Siç shihet nga pamja, në tokë është i shtrirë viktima, Shaqir Sinani, i cili është i mbuluar me batanije.
